ERROR年底開演唱會？ 保錡：好多變數 從來掌握唔到丨許賢望世界盃後引發港人睇本地波丨余德丞首次為NOW做世界盃旁述

ERROR成員吳保錡、「試當真」許賢及余德丞今日現身「Now FIFA世界盃2022」記者會，保錡和許賢出名是「波牛」，今次獲邀成為活動宣傳大使，許賢與試當真一眾成員還負責唱主題曲，MV今日在活動上首播，許賢和保錡還趁機騷球技，保錡一招花式「的波」更贏得現場一片掌聲。而余德丞就擔任今屆Now FIFA世界盃的評述員團隊之一，面對多位專業評述員前輩表示希望自己不要失禮。

【新聞有價 記者有格 立即訂閱：https://bit.ly/3wGQh7c】
身為活動宣傳大使，許賢表示「試當真」會負責拍攝13條短片「試睇世界盃」。問保錡可會聯同ERROR三子參與拍攝短片？保錡則言：「其實ERROR得我一個鍾意足球，要投入一件事，真係要鍾意先得，如果叫肥仔（梁業）嚟睇，上次歐洲國家盃佢做評述，最後係瞓咗覺，最多得阿Dee對波係有少少認識。」
四年一度世界盃，可會小賭怡情？保錡稱自己不賭錢，所以「一蚊」都沒有賭過，許賢說最多用雙位數字賭本，他更爆「試當真」中有人買波贏了五位數字：「呢個朋友都好熟，一齊拍片嘅，邊個就唔講嘞。」講完自己都忍唔住笑。