TVB近年不時有藝人「脫無」，今日就傳出服務44年、有「金牌司儀」之稱的鄭裕玲（Do姐）離巢。她今日主持商台節目《口水多過浪花》時證主動確認消息，約滿後不再續約，但並非退休，只希望體驗自由身，以後不會與任何公司簽長約︰「好多嘢未試過，所以唔排除一切合作嘅可能性，無論同邊間機構又好，做啲乜嘢又好，所有嘢都會考慮，我想試新嘢」，但就講明演唱會不行了。
【新聞有價 記者有格 立即訂閱：https://bit.ly/3wGQh7c】
主持亦問到是否可出席明年叱咤頒獎禮，Do姐指可研究所有可能性，即使頒獎禮好夜才結束，她都可「瞓一個晏覺先嚟」，並講笑說「要喺度賣個廣告，有啲乜嘢搵我可以DM去我個Ig，乜嘢都可以傾。」
Do姐透露，這3年來的疫情令她改變心態和想法，覺得合約比較困身，「成日冇得去旅行，而家一旦可以去旅行，你都唔可以係想玩幾耐就幾耐，你都要返嚟，譬如佢話有節目要我返嚟做，因為有合約精神，都要返去做嘅。」她說，這決定蘊釀了2年，「疫情初初冇咁緊要，到第2年，尤其今年，覺得好多計劃不似預期，加上呢幾年有好多人pass away，以前啲同事呀咁，咁如果自己有啲嘢想做，礙於合約關係又唔可以做，就有啲可惜。」至於為何仍繼續做電台節目，她就解釋喜歡做訪問，而且電台彈性較大，準備功夫簡單好多。
Do姐又強調，與TVB關係友好，並非因為不快而離巢，「分手」時亦很開心，若將來有合適節目亦會繼續合作。被問到決定離巢前有否掙扎時，她直言「諗咗好耐」，亦有不捨，但認為「天下無不散之筵席，我寧願係依家我可以決定嘅時候就做決定。掙扎當然有少少，有幾多個人可以喺一間機構服務44年呢，但覺得依家呢個timing係啱嘅。」
