組合Dear Jane將於5月在紅館舉行4場入行20周年演唱會，4子日前在樓梯及天台拍攝海報海報，指天台應該是走上來小休後，再繼續向前行。他們又解釋今次海概念有些似是一封信或者一張明信片，與歌迷互相分享感受和經歷。
成軍20周年的Dear Jane 將於5月今日公布將於5月11至14日假紅館舉行 《Dearest Dear Jane Live 2025演唱會》，日前他們為演唱會海報選址天台及樓梯拍攝，4位成員表示今次演唱會海報概念有些似是一封信或者一張明信片：「似係歌迷寫信比我哋，又或者係我哋寫封信比歌迷，互相分享一啲感受經歷，都呼應返我哋第一個紅館演唱會名用寫信嘅下款『Dear Jane Yours Sincerely Live』去命名。」他們透露海報於樓梯拍攝，可以說是代表住音樂里程上嘅每一步。
問到由樓梯走上天台是否之代表完成目標？4子說：「唔係囉，哈哈！冇錯，天台係一幢樓嘅最高地方，但當你人在天台，你會望到對面有更多更高嘅天台。天台風景好靚，但音樂嘅里程，唔會只係停留喺一棟大廈，走完一幢樓，我們會走向另一幢更高嘅樓！而天台應該係比我哋間中走上來take a break嘅一個地方，望一望呢個咁靚嘅世界，然後我哋又繼續向前行。」
對上一個紅館騷是2021年，Dear Jane成員表示今次準備先開4場，名為「Dearest」是「最親愛的」的意思：「如果你嚟我哋演唱會，就會搵到最親愛嘅朋友。你哋都係我哋『最親愛的』，我哋嘅歌亦都係你哋『最親愛的』！入面有好多故事，所以希望整個表演圍繞呢個主題。」
入行轉眼20年，問到他們有什麼變化？伍漢邦（Jackal）表示好似都沒有怎樣變，都是對住這幾個人去生活去玩，不同的是多了好多新歌，同埋回憶起以前的一些舊歌，多了好多不同感受。」翁厚樑 （Howie）說：「我記得剛剛組成樂隊嘅時候，Tim（黃天翱 ）仲返緊學，依家都有自己嘅家室，有小朋友，呢20年係人生嘅一段好長嘅路，我哋最希望喺歌迷嘅人生之中，我哋都佔咗一個席位啦！大家陪我哋走咗咁遠一段路，呢次演唱會係一個慶祝，一嚟來參一個派對！我哋有好多新環節準備同大家去表演，會獻唱我哋好多唔同年份嘅歌曲，音樂上又有新提升，我覺得會幾好玩！」
去年阿Tim於幾場不同演出上面都抱恙，今次演出之前Tim謂希望不要再中招：「點樣保持健康？冇咩特別㗎，又唔會瘋狂操練，我哋係用個腦去保持健康囉，哈哈。我哋不嬲都係咁上下，燃脂就係喺騷上面發力燃燒自己啦，開騷前反而儲多啲能量，哈哈。」黎俊華（Nice ）則指聽返《二十年後的歌》，覺得呢20年都算成功，只係有少量一兩個item未checklist，其他大部份願望清單都完成到，而心境上Dear Jane都無改變過，初心依舊：「咁多年我哋冇諗過目標要去到邊，我哋淨係想做好每一首歌，想上台唱到呢啲歌，令到大家開心，繼續無窮無盡，維持初心。有時都會諗，等自己老咗，呢啲嘅美好就可以留返第時瞓喺床上面慢慢回憶！」
