女子組合COLLAR成員許軼（Day）以學生look拍攝新歌MV，完全零違和感。原來她今次「單飛」出歌，靠一眾COLLAR隊友出力推動，而蘇雅琳（Ivy）、 沈貞巧（Gao）陳泳伽（Winka）更現身探班，窩心打氣。
許軼昨日（4日）推出首支個人單曲《Wait A Second》，意旨停一停，是首青春幻想曲。作為「單飛」頭炮歌，曲風以快歌為主。既有擅長的跳舞元素外，亦有Live Band元素，更邀請了人氣小鮮肉范麒智（Kenji）擔任MV男主角，兩人在MV以學生Look上陣零違和感。
不過首次「單飛」出歌，自言心情既緊張又不習慣。她表示今次首歌用了2、3個月時間籌備，比團歌過往用2、3星期去完成嘅時間長：「事前同咗各方面嘅藝術總監傾咗好耐，花多咗好多時間去構思，特別喺錄音方面，錄咗3次，排舞亦特別去咗日本揾當地排舞導師去排。」
Day是繼邱彥筒（Marf）、陳泳伽（Winka）、李芯駖（Sumling）「單飛」後，第4位「單飛」COLLAR成員，Day坦言心情非常緊張：「感覺係既擔憂又唔習慣，但有啲興奮，好緊張第一次拍MV冇其他成員喺身邊，好驚，但好彩今次搵咗一班跳舞好朋友嚟參與MV入面角色，叫有朋友陪就安心啲。」拍攝MV期間，COLLAR成員蘇雅琳（Ivy）、 沈貞巧（Gao）同陳泳伽（Winka）亦專誠到場探班，為Day打氣，表現窩心。Day表示隊友們有給好多意見：「由未出歌就幫手諗，我有Send首曲畀Gao聽，已經幫手作啲搞笑嘅歌詞。」
Day又透露「單飛」出道背後原來是一眾COLLAR隊友出力推動：「其實我一直好嚮往團體，但同隊友傾偈，佢哋都有自己嘅發展，大家畀咗好多鼓勵我，叫我不如都試下，做啲自己想做嘅歌，於是我就嘗試。」過往COLLAR成員「單飛」都有好成績，問到Day會否感到壓力？Day說：「冇壓力！今年大家都有各自發展同自己嘅作品。對獎項方面當然有少少期待啦，因為親眼目睹Marf同芯駖攞獎，當時望到佢哋行上頒獎台攞獎，我都好開心好激動，都有幻想當我上台攞獎，佢哋幫我拍掌嘅情況。」
Kenji首度跟Day合作，他笑言第一次跟Day交談感覺十分緊張，又表示其實自己本身好緊張，不過我個人好衰，見到對方比我仲緊張，個心就會安定。拍第一個鏡頭時，我同Day傾偈，她有少少僵硬，我問她昳否I人，她說自己是超級I，其實她只是慢熱，之後講多少少，發現她個人其實都幾搞笑。
