ViuTV前晚（19日）推出新節目《你是我的後援會》，以友情為主題，首兩集請來ERROR的吳保錡跟好兄弟Felix，以及鄧子超（小b）和樂隊Mr.的低音結他手譚健文（Dash），分享他們之間的友情歲月，而在昨晚（21日）的一集中，Dash自爆兩年前不幸患上鼻咽癌，令小b感受到好朋友是有機會隨時離開自己，即時眼泛淚光。
【新聞有價 記者有格 立即訂閱：https://bit.ly/3wGQh7c】
小b和Dash相識多年，當時還是學生及band友的Dash，不時光顧小b家人經營的茶餐廳，兩人因而相識及成為好朋友。昨晚（20日）一集中，節目組到Dash的band房拍攝小b唱歌和Dash夾band的情況，Dash在訪問過程中透露：「我2020年8月，我check到自己係鼻咽癌，跟住要做啲我完全未做過嘅電療同化療，我直頭心諗：『咩料呀！』我完成晒治療一有狀態，第一件事就揀去返工，覺得自己可以自由正常出入，無論駕車或搭車好，要自己一步一步行返出嚟。」
由於Dash的工作地點跟小b的茶餐廳相近，順理成章兩人便見面，Dash亦把自己患癌的真相告知小b，小b謂：「嗰一刻自己情緒好混亂，唔問得，但嗰剎那有諗過原來有一日可能同呢個朋友離別嘅話，嗰刻情緒就到。」說到此時小b哽咽及眼泛淚光，再說：「知佢一定係有頑疾，佢喺我心目中係一個好緊要嘅人，所以唔敢問佢……」在旁的Dash即謂：「放心，我好頑強。」
Dash今日亦在IG貼出拍攝節目的相片及留言，他謂：「治癌賽後檢討嘅結果係我認為冇必要就不如早啲唞，因為透支自己身體嘅後果好大機會慘過戶口唔見咗兩球（二百萬），患重病後真係有排愁。不過愁還愁，心態真係決定一切，盡量放眼於身邊嘅『幸福』而唔係自己嘅不幸，因為比自己辛苦、痛苦嘅，大有人在，患病後無論輸贏都係為自己同埋愛自己嘅人爭一口氣，一切隨命運安排。」Dash又解釋節目中的英文名Desmond，是中學到08年時用的英文名。Dash目前已婚及育有一女，其孖生弟弟譚健榮則是商台DJ朱薰的老公。
