女團COLLAR昨日（27日）推出年度第三首團歌《Speak Love》，顧名思義以愛情為主題，帶出敢愛敢認的訊息，展現現代女性對愛情的態度；今次團歌除了邀請Serrini填詞外，又首次在MV中安排大隻型男，《那年盛夏我們綻放如花》導演陳健朗也客串演出，不過最大膽創新，莫過於COLLAR在新歌MV性感上陣，大騷女人味。
【新聞有價 記者有格 立即訂閱：https://bit.ly/3wGQh7c】
《Speak Love》MV中，COLLAR 7位成員破格以性感造型亮相，總動員短裙示人外， Marf與芯駖亦騷小蠻腰、Day穿上大露背、Ivy與Winka更以低胸裝上陣，令人熱血沸騰。她們異口同聲指是拍攝MV有史以來，最性感的一次。
Day表示：「好正，見到大家今日咁着，平時大家多數着褲，今日大家都着裙。」Winka認為今次造型十分有女人味，在性感上亦挑戰了尺度，芯駖指：「着咗呢套衫同呢對鞋，個人行路都好有儀態，就算企喺度都要有女人啲嘅感覺，唔可以好似平時咁。」Gao就「唱反調」自言本身是性感擔當，笑言平時在家亦衣着性感，對今次MV造型未有不慣。
難得以性感登場，COLLAR在拍攝前可有積極進行身型管理？Day即表示：「我哋每日都有互相帶食物畀大家，因為拍MV前都要排好多舞，消耗好多體能，所以食多啲嘢都唔驚。」
Marf認為事前最重要是整理好心情：「聽完首歌之後，嘗試去平衡番個感覺，唔想過份女人味，想中和番。」芯駖則笑言最主要是心理上的準備，準備如何突破心理關口。Marf又透露今次MV製作，雲集《那年盛夏我們綻放如花》、《和解在後》及電影《風景線》製作班底，太多熟悉的面孔，所以在拍攝過程中，令她多了一份尷尬，但講到尷尬之最，莫過於Candy在拍攝期間夾在兩位大隻型男中間，Ivy更踢爆表示：「佢（Candy）話『好想走、好想離開呢個地方』。」
Candy直認不諱：「真係硬晒軚！太壓迫，佢哋操到好大隻，然後又好貼近我，然後我又有啲緊張。」難怪Candy提到愛情上的看法，她笑言：「大隻佬唔係好啱我！」
