呢幾日IG除咗不停出現「Call！Call！COLLAR！」嘅食字gag之外，就係大家分享最鍾意COLLAR邊個……話時話，只係過咗兩日多啲啲，COLLAR嘅出道作《Call My Name!》MV喺YouTube已經破一百萬點撃率喇！有網民就留言，叫大家「大家多多Share個MV同介紹COLLAR比身邊既朋友仔」，雖然仲有好大既成長空間，「但真係好有潛質」，仲話「係香港唱跳女團最後希望」。
女團成員們都有喺自己IG分享破百萬嘅喜訊，Day仲要cap返MV嘅Credits特意多謝MV嘅製作團隊，真係好有心！網民都話，「咁短時間內出這個MV，真的不容易，幕前幕後團隊合作好重要」。
相比師兄MIRROR出道時，《一秒間》MV兩年後先破一百萬大關，就算係2021年團歌主打《BOSS》都用了5日6小時先達到一百萬點撃率，COLLAR可以話係「天時地利人和」，食住《全民造星IV》個勢，開咗個好頭！COLLAR要加大油呀！
