陳毅燊（ANSONBEAN）與張天穎（Jaime）以情侶檔拍攝商場聖誕宣傳短片，兩人透露會共度佳節，Jaime亦會陪伴家人及朋友。至於明年計劃，ANSONBEAN指有份參演的劇集及電影都會相繼推出，Jaime則繼續專注個人發展。
ANSONBEAN與女友Jaime將迎來拍拖後的首個聖誕，拍攝時亦難掩開心笑容！兩人把握機會寓工作於娛樂，鏡頭前後均十分甜蜜！在外國讀書的Jaime指自小已喜歡充滿節日氣氛的聖誕節，有好浪漫好甜蜜嘅感覺。
問到是否有計劃如何度過聖誕佳節，Jaime就指為自己安排了「重要任務」，就是「斷捨離」，她說：「每近年尾就好想留喺屋企，最好嘅活動就係執屋！同埋都想多啲時間陪屋企人、見吓外國返嚟嘅朋友。」ANSONBEAN就指自己未有特別計劃，但就會與女友睇戲共度二人世界。他透露來年的工作計劃，除了固定的音樂工作外，下年年初會有部喜劇播出，同埋之前拍的動作戲都會即將在下年上映。
至於身為人氣唱作女團Beanies一份子的Jaime除了團隊工作，亦積極活躍於個人發展，最近推出全新音樂作品《唯獨我是不可取替》的她，就希望大家可以多多支持：「由搵靈感、創作到推出已經用咗好長時間，嚟緊都會同朋友合作出一首聖誕歌，希望大家鍾意。」
