鄧麗欣（Stephy）將於明年3月舉行首個紅館個唱，昨日（2日）信用卡優先購票，火速售罄。Stephy今日（3日）在社交平台宣佈加開一場的好消息。
【新聞有價 記者有格 立即訂閱：https://bit.ly/3wGQh7c】
Stephy 將於明年3月14至15日舉行《STEP by STEPHY 鄧麗欣紅館演唱會2025》，兩場所有門票火速售罄。她上載影片到社交網站答謝樂迷支持，並寫道：「原來夢想沒有離我很遠......」
Stephy在片中興奮地多謝樂迷支持，指優先訂飛好快已經賣晒：「有人快手、有人慢手，我睇到留言有Fans話買唔到飛，亦有Fans話3月16號星期日都得閒，問我加唔加場。考慮咗一晚之後，為咗買唔到飛嘅你哋，我喺度宣佈加開一場！」
加場門票將於後日（5日）上午10時於城市售票網公開發售，Stephy續說：「到時你哋真係要快手啲去搶，呢段時間你哋就熱好身去搶飛，我就要熱身準備我嘅演唱會，祝你哋買飛成功！」
