一向瓣數多多的ERROR成員193（郭嘉駿），繼創業開Cafe，亦推出自家品牌。近日193除忙著籌備ERROR演唱會，在聖誕節由他主理的品牌LILABOC，亦聯乘尖沙嘴The ONE開設Pop Up Store《今個聖誕知你咩料市集》，日前193更親自邀到Do姐鄭裕玲到市集一同打卡，令網民哄動，希望Do姐下次可以跟ERROR一齊做節目。
【新聞有價 記者有格 立即訂閱：https://bit.ly/3wGQh7c】
193今次為自家品牌的聖誕市集，十分落力宣傳，一向視Do姐為偶像的他，亦親自致電對方，希望來到給些意見，結果Do姐真的答應，並跟193一齊擺不同甫士合照，令193驚喜萬分。
193就在IG發布多張跟Do姐合照，留言︰「構思lilaboc.co展覽嘅時候，已經諗如果可以請到do_do_cheng大駕光臨做神級嘉賓 ，就真係知我咩料喇。於是我喺開幕前就抱住戰戰兢兢嘅心情打俾Do姐，Do姐竟然一口就答應，小弟真係非常之滾動。喺度再次感謝Do姐 I Love You」。
Do姐亦在昨日在自己IG上載與193的合照，並回應表示：「早排收到193嘅電話，得知佢個人品牌會舉行首個大型展覽，見佢咁畀心機，一於嚟支持吓。嚟到現場見到咁靚嘅場景，就真係知佢個品牌咩料，真係替佢高興，繼續加油！」
網民對193跟Do姐合照十分起哄，除了加油外，又有搞笑留言「Do姐follow咗你未啊？」，「Do姐雖然冇follow你，但佢係愛你ga」。
8大打卡位
今次The ONE聯乘193品牌LILABOC展出Pop Up Store，以其招牌金句「知我咩料？！」點題，市集由LILABOC核心人物「3仔」率領，新舊角色進駐8大打卡位，以搞笑角色設定配合打卡情境，希望大家會心微笑。限定店內亦會獨家開賣LILABOC 30款期間限定新季精品，以及設有「咪執輸Kepo許願祈福井」，讓大家在節日前後一起許下心願！
