COLLAR成員邱彥筒（Marf）主演的《那年盛夏我們綻放如花》本周五大結局，她演的楊悅盈成為結局關鍵角色，為要拯救其他同學，唯一方法便是以身犯險，走入admin的世界。而她跟何晞賢（歐鎮灝飾）最後的結局會是如何呢？
【新聞有價 記者有格 立即訂閱：https://bit.ly/3wGQh7c】
Marf在宣傳完劇集後，日前獲邀請衝出亞洲，遠赴紐約出席時裝周活動，Marf此行滿載而歸，既趁空檔與身邊團隊策劃小旅行遊紐約，在活動上又成功跟多位國際星級藝人「集郵」，包括有新版《Gossip Girl》的Evan Mock、《雙層公寓：夏威夷》的Lauren Tsai及台灣藝人Kiwi Lee李函等，難怪提及此行她便表現雀躍。
Marf自言讀書時已十分喜歡扮靚、化妝及衣著配搭，但沒有特別風格，主要潮流興甚麼便穿甚麼，但入行後，她遇上不同的stylist，在對方身上學到很多時尚穿配，對衣著開始講究。對於首次衝出亞洲出席時裝騷，Marf表示既興奮又緊張：「好榮幸有今次機會，真係好緊張，因為所有事都好緊湊，而且又係第一次，多謝團隊幫忙，雖然個Show比我想像中時間短，但景觀十分靚，日落配藍海，每一位在我面前行過的模特兒、每一套衫都好正。」
此行到埗後，Marf即跟團隊把握時間策劃「小旅行」，遊覽過後，她在活動上又與台灣藝人Kiwi Lee李函並坐，Marf說：「Kiwi 拍嘅片我一直都有睇，之前韓國活動認識佢，今次又見到，十分開心，而且活動上又見到Evan Mock、Lauren Tsai，可以一齊影合照，感覺好有趣，之前電視見到佢哋，而家真實見到，眼對眼say hi。」
問到Marf覺得COLLAR隊中，哪位成員最有時尚觸覺？Marf指：「如果偏向我鍾意口味嘅，會係Gao（沈貞巧），有機會好希望同佢旅行，然後可以交換衫着。」
