《全民造星5》十強將於7月16日進行總決賽，惟節目出街以來是非不斷，最惹人爭議要數阿澤指控王鋒擅自改舞步事件，及硬捧多名「親生仔」入圍等。日前《造星5》導演曾偉樂於社交平台寫千字文，澄清多個指控，及公開與阿澤短訊對話，反指阿澤才是搞事者。
【新聞有價 記者有格 立即訂閱：https://bit.ly/3wGQh7c】
《造星5》導演曾偉樂撰寫千字文，指「係時候有啲嘢要了結」，聲稱一直受到困擾，所以必須解釋，並表示不是為王鋒洗白，因為覺得一提到「鋒澤」事件只會被認為是「幫契仔」。
節目中阿澤提及自己是某樂園工程師，曾偉樂稱節目出街後收到樂園通知，指阿澤只是外判商的員工，要求節目組刪除該部份內容。至於「鋒澤」事件，導演表示得知王鋒改step後，有叫王鋒立即向阿澤道歉及解釋，阿澤亦有開綠燈給王鋒，而阿澤有事時，王鋒會幫手，所以覺得他們可以和好。「但去大概round 4拍攝時候，我突然收到有一位製作人員問『阿澤件事剪唔剪呀，唔剪就有人會爆王鋒大獲（鑊）』結果我哋怱（匆）忙之下再叫王鋒同我哋解釋成件事同拍攝道歉，所以並唔係大家眼見節目出街再捉佢補拍。」
導演隨後爆：「但阿澤係（喺）王鋒面前就有講有笑，但背後就周圍唱佢，跳舞界，參賽者，工作人員全部都聽佢唱衰過，而且有次佢哋紅組聚會仲會拎呢件事嚟玩，咁究竟係唔係好傷害阿澤，我不得而知。而今次件事我哋無選擇收起，因為對同錯由觀眾決定，所以我亦無好黑心咁抹殺件事」。導演更上載他與阿澤前同事的對話，以證實阿澤為人可能有問題。
他又提到節目組被出賣：「而出賣（我哋）嘅人其中我哋知道就係阿澤，喺round 1期間曾經有試過節目變動而且根本唔關阿澤事，但佢竟然喺佢tg流出，而且仲認有幕後爆料比（俾）佢，從而我哋得知有內鬼同佢好好朋友，所以我哋決定自己內部不斷放流料話公司想簽邊個，結果全部變晒契仔，甚至有人話已經簽左（咗），最後我哋查左（咗）好耐知道有位幕後有參與其中一個有參賽者搞嘅YouTube「災難club」，而且幫手期間係未完比賽。可想而知佢哋關係幾好，所以我好清楚我哋製作組處於一個非常唔安全同被出賣嘅地步。」最後導演強調並非要捧親生仔，好多事是「有苦自己知」。
不過觀眾對導演的千字文解釋唔多收貨，指阿澤人品如何都好，王鋒始終有做錯，但亦有人撐導演道出「真相」。
