《全民造星V》參賽者Nathan（魏念恩），女友Jessie於5月時墮樓身亡。有報道指Jessie家人公開二人短訊內容，揭發Nathan於分手後仍向女友借錢，及要求對方刪除所有拍拖證據，事件惹起民憤。結果Nathan於《造星》總決賽前30分鐘宣佈退賽，並於昨日（17日）在社交平台交代事情。
【新聞有價 記者有格 立即訂閱：https://bit.ly/3wGQh7c】
Nathan發長文表示，5月17日是他人生經歷過最黑暗的日子，並稱從未面對過這麼重大的事情，不知道如何處理。他表示恐懼、內疚、自責、傷心。及解釋沒有跟女友家人溝通：「事情發生後冇立即同對方嘅家屬溝通，以及喺喪禮上錯過咗同對方家屬面對面溝通嘅機會，一直未能捉緊機會向對方家屬致歉，成為咗我現時最大嘅遺憾。令到事情發酵至今，好想喺度鄚重向對方家屬致歉，好對唔住。」他表示會嘗試跟對方家人聯絡。
Nathan解釋之前未有退賽，是希望對作為參賽者負上責任，做到有始有終，而因為7月15日的報道，他才發現還有很多事情未好好處理。
發文中他又澄清分手前仍向女友借錢一事：「我哋雙方都有穩定嘅工作，但係出糧嘅時間好唔一樣，第三者睇到Whatsapp對話可能會對借錢一事感到難以接受，但事實呢個就係我哋當時資金周轉嘅生活模式，甚至持續到去分手之後。但當我發現分手後繼續與對方有金錢瓜葛會令關係都完結得唔夠乾脆，所以喺事發前我已經約對方當面見面並以現金還清。假若家屬再有關於我哋感情問題或者對喺電話上所睇到嘅一切仍然有唔理解嘅地方，我好樂意向你哋逐一交代。」
雖然Nathan咁講，但網民普遍唔接受，更有一位疑似Jessie的前同事留言駁斥Nathan：「周轉模式？笑X死！點解可以咁都講得出！同佢（Jessie）做嘢一齊咁耐，只係見到過佢寧願唔食飯都要俾錢你，從來冇見過佢月尾有任何嘅經濟援助。單方面需要幫助就問另外一位幫手，但係我從來都冇留意過佢有問過你拎任何一分一毫」。他憶述指Jessie曾經只喝一杯飲品當lunch，而且指Nathan經常責罵Jessie，令她開工時以淚洗面。
