張敬軒《軒公敲碗》第2季昨晚（13日）首播，首集請來商台DJ阿正（黃正宜）做嘉賓，同軒仔一齊體驗做按摩師，互相為大家按摩。兩人在片中狂放笑彈，軒仔向阿正笑着說：「我好想捽你啲腳趾罅！一定會令你欲仙欲死。」而節目上架短短半日，已登上熱門影片第一位。
【新聞有價 記者有格 立即訂閱：https://bit.ly/3wGQh7c】
2人未為對方按摩已先互窒，阿正一見軒仔即話「細細個就聽你啲歌」、「原來你出道都廿年」；軒仔就反擊：「我覺得你今日終於似返個女仔」。軒仔身先士卒，為阿正做腳底按摩，他先幫阿正洗腳，但阿正笑言怕會心動。
當軒仔為阿正按腳，阿正被按到不停大叫時，軒仔都忍不住說：「好似拍緊AV咁呀，哈哈。」其後軒仔請教顧問如何「啪腳趾」，雖然他只成功「啪」到2隻腳趾出聲音，又捽到手指又紅又瘀，但總算「成就解鎖」，軒仔都形容「好操勞」，但開心。
玩完腳底按摩後，輪到阿正為軒仔做泰式全身按摩，軒仔躺在按摩床，雖然技師在旁監督指導，但搞笑的阿正見到床上的軒仔，已按捺不住對他上下其手，按摩時又「knock手knock腳」，全程阿正的歡笑聲及軒仔的慘叫聲渡過。
