陳茂賢執導的《破．地獄》獲得香港電影編劇家協會頒發「年度推薦劇本獎」，電影3日內奪得合共4項殊榮，備受不同界別肯定。電影的加長版下月4日上映，身為子華「鐵粉」的岑珈其對能合作大感夢幻，自爆拍攝前一晚緊張得睡不着。
英皇電影《破．地獄》電影港澳累積票房數字高達1億6千百萬。繼許冠文、衛詩雅及朱栢康日前於《香港電影導演會年度大獎》上勇奪「最佳男主角」、「最佳女主角」及「最佳男配角」後，兩位編劇陳茂賢及鄭緯機於前晚舉行的《香港電影編劇家協會》中，榮獲「年度推薦劇本獎」。
而電影的加長版將於4月4日上映，除保留公映版的場面之外，新增豐富故事背景及枝節，當中飾演的「美玉」周家怡有更多場面於加長版曝光，她興奮透露：「好開心有加長版嘅面世，可以圓滿每一個角色，能夠睇到佢哋嘅故事，包括道生（黃子華飾）家庭故事都會喺加長版入面見到。我最開心係會保持有光明嘅結局，即係美玉嘅BB仍然會保留住，仍然係咁圓滿。」
至於深受觀眾期待，於加長版首度登場的谷德昭及岑珈其對加長版同樣大表期待，跟子華及朱康同框演出的谷德昭表示：「能夠在《破．地獄》同大家見面，成為最高票房電影一份子，與有榮焉。」而戲中跟子華飾演兩兄弟的岑珈其表示：「當知道加長版面世真係好開心同埋期待。之前導演有講過佢一定會極力爭取出返個加長版，所以我真係好多謝導演，而最最最最多謝都係咁多位買飛入場支持《破．地獄》同嘅觀眾，因為係佢哋嘅支持先至會令到呢個加長版可以正式面世。」
而珈其亦大爆自己是子華鐵粉，有機會合作大感夢幻：「我可以見到子華哥哥超級開心，因為我係好鍾意佢，佢係我偶像之一，仲要可以同佢同場，記得拍攝前一晚真係緊張到瞓唔着，所以真係好多謝導演俾呢個機會我。成件事都係好夢幻，子華哥哥係超級 Nice，拍攝前我哋一齊溝通傾偈呀，跟住一齊去試戲。所以成個過程係好開心好順利，希望加長版出到嚟大家觀眾都鍾意啦，多謝晒。」
