電影《狂舞派3》、《哪一天我們會飛》監製陳心遙、ViuTV電視劇《婚內情》編導曾憲寧執導的首部長片《燈火闌珊》，入圍第35屆東京國際電影節（TIFF）「亞洲未來」單元競賽部份，成為唯一一部於今屆東京國際電影節中爭奪殊榮的港產片。
【新聞有價 記者有格 立即訂閱：https://bit.ly/3wGQh7c】
兩位幕後主腦今日聯同有份主演的蔡思韵及周漢寧，專程飛到日本出席電影節的開幕典禮，今次是蔡思韵首度在香港以外地方行紅地毯，她表示這種感覺既陌生又熟悉：「第一次喺香港以外地方行紅地毯，喺唔熟識嘅語言、唔熟識嘅環境，但係電影係大同，因為電影可超越語言嘅藝術，好開心可以將一套香港電影帶到嚟日本，可以同唔同嘅觀眾交流，甚至可以同日本嘅觀眾、電影人交流，我覺得好開心，好榮幸。」
蔡思韵與阿寧都有各自心儀的日本演員，希望能在影展中與他們有緣遇上，蔡思韵表示：「我好想見到安藤櫻，佢係我偶像，如果見到佢一定超級開心。我睇過佢好多作品，係非常有個性嘅演員，同埋佢表演實在太勁，希望有機會集郵。」阿寧則希望見到菅田將暉及高橋一生。《燈火闌珊》團隊將於明天出席電影的世界首映，映後更會與影迷會面，而有關第35屆東京國際電影節「亞洲未來」單元競賽部份的賽果，將於11月2日公布。
