ViuTV選秀節目《全民造星V》已進入隊制賽階段，藍紅兩組進行至第2回合。日前（7日）來到自選項目對決，藍組人氣隊員王鋒卻突然改舞步，惹網友圍攻。
【新聞有價 記者有格 立即訂閱：https://bit.ly/3wGQh7c】
日前播映的第18集，其中一part dance battle由藍組「Fung莎星辰」A組（成員：王鋒、樂庭、Dai Bon、Jackson及Aaron）對戰紅組「蕾安多芬」B組（成員：阿澤、Tsoul、Stick、白水、James及Kingston）。表演完畢，兩隊均獲得評判大力讚賞。
至評判準備撳燈分勝負之際，紅隊阿澤突然舉手指責藍組王鋒：「因為我哋本身dance battle都有一齊練習咁樣嘅，我同王鋒其實有一個位suppose係夾咗嘅，但係佢突然變陣，我唔知有冇影響到觀感。」評判之一Tim@Dear Jane即表示：「完全冇，好好睇，所以放心，唔使諗太多。」最終紅組此回合4比1勝出。
雖然勝出，但阿澤賽後表示：「嬴咗其實我係唔開心，表演中間出現咗啲問題，去到Dance battle尾段嘅時候，其實我同王鋒本身夾咗一啲嘢，係想呈現一個好特別畫面畀觀眾睇咁樣嘅，但係現場表演嘅時候，王鋒突然之間自己轉陣，冇做到本身排嘅step，咁我當下係有啲愕然同埋個腦空白咗。」惟節目組並沒有採訪當事人王鋒。
節目播出後，網民紛紛到王鋒IG留言，有網民指責他「今天睇得好清楚你係咩人！」、「排好曬到表演先臨時改動作？已經係親生仔拎盡風頭仲要用呢啲無品手段博出位」、「跳得幾叻都好！同時都睇到你幾咁有品」、「你真係好賤格，傷人利己行為直頭以為睇緊劇集啲奸角咁」、「咁陰濕，嬴咗都唔馨香啦。」不過直至截稿前，王鋒依然未有解釋或回應。
