《全民造星IV》女團名單將會喺1.12揭盅，個團到底係咪叫「Collar」，大家聽日就知。ViuTV今日就率先喺IG Post出9段影片，其中8段都影住成員嘅唔同部位，好似頸、耳仔、腰部等等，畀觀眾估吓到底佢哋係邊個，就連三甲嘅Marf、Gao、Day都無出樣。
如果8段影片代表8位成員，咁就同之前嘅傳言吻合，但至於餘下5位成員係邊個，始終都要等聽日18:30～有網民不斷憑節目參賽者嘅個人特徵估到底邊幾位係片中主角， 其中一眾蘇蝦，憑一粒癦已經一秒認得出呀媽，仲有埋對比圖，真係夠晒好眼力！
旁白師聽日本身放假都特登返工，唔知佢會唔會見到想見嘅人呢？
