點解星期一要返工！扮工仔必去　荃灣廣場聯乘Monday Bruce　變身扮工室放暑假　設6大打卡位

又到地獄星期一，究竟邊個發明了返！工！有Monday Blue的「扮」工仔留意啦，推介大家今個夏天必去荃灣廣場打卡，商場與人氣角色「星期一的布魯斯（Monday Bruce）」聯乘，即日起至9月3日將荃灣廣場打造成「扮」工室，逢星期一約定朋友齊齊去放負啦！

【新聞有價記者有格立即訂閱：https://bit.ly/3wGQh7c】

近年有不少人氣角色爆紅，當中必定包括引起大家強烈共鳴感的Monday Bruce，作為一隻要返工的兔子，它經常因為不想工作而表現出一張極度厭世臉，其反差萌吸引不少人追看！所以今次專程與荃灣廣場合作，打造「荃灣廣場x Monday Bruce『扮』工室放暑假」，並設有6大打卡位，以及全港首間pop up store「洗錢就快樂期間限定店」，讓你近距離親身體驗「扮」工實錄。

6大「扮」工打卡位，包括列車造型的「全港首條7 x 24 OT循環線通勤列車」、神還原辨公室環境的「ERROR 404 『扮』工室」、放置了《打工仔的生存之道》及《準時放工秘笈》的「老細催命枱」、超打卡able的霓虹燈區「避世小角落」、Happy Hour必去的「放負居酒屋」以及一齊大買特買的「洗錢就快樂期間限定店」。

「洗錢就快樂期間限定店」將於7月29日起發售產品，多款限定產品包括：Monday Bruce Tote bag 、Monday Bruce IPAD 袋、Monday Bruce A4 文件夾、Monday Bruce硅藻泥地墊等。而各位「扮」工仔只需拍下任何「荃灣廣場X Monday Bruce」場景及上載到Facebook或Instagram，更可獲贈Monday Bruce紙扇一把！