中醫博士：唔夾體質亂咁食 愈食愈濕滯

坊間流傳生仔偏方
肉蓯蓉補腎陽益精血？
菠蘿幫助受精卵著床？

香港生育率全球最低，搞到政府要出2萬蚊鼓勵造人，但其實唔少人係「一子難求」，為求生B無所不用其極。而坊間或網上亦有唔少生仔偏方，有中醫師就特別提醒，亂咁食唔單止求子不成，分分鐘食壞人。

網上有唔少所謂助孕飲食方案，例如中藥肉蓯蓉具補腎陽，益精血功效。主治腎陽虛衰，陽痿，不孕不育；又有說法指來自菠蘿的菠蘿蛋白酶，可以幫助受精卵著床，提高懷孕機率。

中國中醫科學院中西醫結合臨床醫學博士倫中恩醫師認為，所謂提高懷孕機率的所謂飲食偏方或秘方，查實係近乎是不可能的。譬如，有電視賣廣告說有補腎的名貴藥材，例如熟地、淫羊藿、肉蓯蓉、杞子、巴戟、杜仲等，但如果一個屬於濕熱體質的人服了，不但絲毫對懷孕沒有幫助，濕熱更加助長，愈食愈濕滯。

「究其原因，重點係需要先搞清楚不孕的原因，以及個人的體質。」倫中恩醫師表示，每個人的體質並不一樣，並沒有一條秘方適合每一個人。要知道不孕並不是僅因腎虛而起，其他如血瘀、肝鬱、痰濕、濕熱都可以導致不孕。所以不可以道聽塗說，吃某某偏方就可以成功生仔。