呢幾日陰晴不定，多雲且間中有霧雨，一下子濕度升高，真係有啲唔習慣。呢啲天氣又正正提醒大家濕漉漉嘅春天好快就到。今期就為大家介紹2部高效能、實用而lifestyle嘅LG抽濕機俾大家，等大家早買早享受兼同回南天say bye！
【LG Objet Collection 31L變頻式智能抽濕機——韓系earth tone清新融入家居生活】
唔少人都追求家居品味，細節如一部小家電都反映出屋主嘅生活態度。LG 31L變頻式智能抽濕機MD19GQCE0， 以韓系earth tone大地啡色設計，擺放喺任何環境或空間，都可以營造岀清新和諧嘅自然感覺。抽濕機採用雙迴轉變頻壓縮機配合智能抽濕 ，可根據環境濕度自動調節抽濕強度，每日抽濕量可高達31L，而發出聲量僅33dB，操作寧靜之餘，更係高效率、慳電之選。
全新型號內置UVnano消毒技術，紫外線LED燈可去除99.99%細菌，確保扇葉潔淨衛生，加上自動除濕功能，抽乾機內殘餘水分，防止細菌同霉味滋生！LG PuriCare™抽濕機並備有離子空氣淨化功能，釋放岀嚟嘅納米離子，有效去除空氣中細菌等有害物質，吸濕殺菌一take過！
想針對性使用抽濕功能，隨機附送嘅Y型乾鞋喉管及T型衣櫥喉管，可直接將鞋籠或衣櫃連衫抽走水分，回南天有佢幫手，就可以確保衣物、鞋籠清新乾爽啦！喺使用方面，抽濕機備有易行滑輪及推拉手柄設計，可以輕鬆遊走屋企任何地方，加埋LG ThinQ™手機App遙距操控，俾你實時監控濕度狀態及滿水提示等，夠晒方便好用！
【LG PuriCare™40L變頻式離子殺菌智能抽濕機——眩目黑lifestyle！鯨吞型實用抽濕機】
全新LG 40L變頻式離子殺菌智能抽濕機WD25GVKF0，將每日抽濕量大幅提升至40L，機身自動釋放納米離子，可以去除空氣中嘅細菌及有害物質，配合自動除濕功能，有效抽乾機中嘅殘留水分，以防止細菌滋生，而前置濾網亦可拆除清洗，確保清潔衞生。
LG PuriCare™抽濕機採用R32環保雪種，環保之餘更具高能源效益，加埋30項安全防護裝置，以及提供長達10年保養嘅壓縮機，長期使用就倍添安心!外觀方面，抽濕機以眩目黑為主調，配合修長平滑機身及滑輪設計，酷似「黑武士」外型之餘，配襯家居擺設更見型格lifestyle！配合LG ThinQ™手機App遙距操控，預設空氣護理日程就更輕鬆方便。
