邊個話返工先會用到PowerPoint？最近大陸有個女仔發現男朋友由上年11月至依家，5個月內喺10個不同時間點有出軌嘅行為，如何有霸氣地篤爆男朋友？整一個16版嘅PowerPoint！事主仲貼埋相片同埋對話紀錄做證據，串連埋唔同嘅影相時間、對話，仲拎埋男友嘅行路步數嚟分析……
請偵探最好搵女人，就連行幾多步路都計到足。整合晒各個罪證之後，呢位女朋友整咗個Slide，明確嘅標題、加上大大隻字開埋公司名，整齊地排好10個列點，每個列點都有簡而精嘅主要論點，仲有啲文采添。呢位出軌男友犯咗「10宗罪」： 01 ｜共同差旅，漫游海灘；02 ｜籍風行奶茶，私會越秀山；03 ｜謊稱保潔，欺騙女友；04 ｜借女友之手，贈情禮予三；05 ｜東窗事發，佯作認錯；06 ｜假向女友請罪，真同小三卿我；07 ｜謊稱加班接開會，7天直落大龍燚；08 ｜工作私自離崗，與三同游賞櫻；09 ｜無視紀法以身謀私，工作壓力因公出軌；10 ｜防競聘風波，騙女友離穗。Channel絲真心佩服，返學返工整啲PPT都冇咁好心機……
事件曝光後，有網民就問「可以發下ppt嗎，結構框架真是不錯的範本」，又話「甚至…PPT的排版、配色、字體都做得挺優秀的，可能都超過百分之八十的年終述職PPT了」，「不要把女人惹急了，把女人的潛力都開發出來，男人就死定了」。不過都有人覺得「做多咗」，話「真正的top女生是不會把時間浪費在PPT的」。
