獅子一向都係雄風嘅代表，不過近日大陸就有遊客分享遊覽廣州動物園時，發現一隻完全冇雄風嘅「齊陰獅」。
【新聞有價 記者有格 立即訂閱：https://bit.ly/3wGQh7c】
動物園職員回覆內地傳媒查詢時表示，這頭獅子係2015年由杭州引入嘅白獅「杭杭」，而髮型就係獅子自己打理，估計係因為廣州空氣濕度高，鬃毛下垂所致。飼養員仲話唔會為獅子剪頭髮，「我們根本不敢」。園方又話「杭杭」爆紅前，工作人員一早就發現佢生得特別有喜感，尤其是佢眼仔細細。
而消息傳到去香港嘅討論區，網民就喺度拎佢同唔同人物做對比，有人就話似一間電視台嘅一位年輕歌手，有人就話係八両金，仲拎埋香港出土文物貼紙相嚟玩，唔知大家又覺得呢隻「齊陰獅」似咩呢？
