你哋會唔會有時好想投胎做動物，撞到人都唔使講Sorry？傻啦，做動物撞死人係要坐監架。
據英國媒體《Daily Star》報道，今個月頭喺南蘇丹嘅倫拜克東縣，相中呢隻公羊突然襲擊一名中年婦女，不斷用自己個頭同埋角撞呢個婦女嘅腹部。每次婦女嘗試企返起身，又會再次俾隻公羊撞擊。最後呢個婦女因為肋骨多處骨折，令到失血過多而喪命。
而呢隻攻擊型公羊就俾當地警方逮捕。冇錯。係拉咗隻羊。
據報呢隻公羊被拘留在Maleng Agok Payam警局，而法院一個星期之後就出咗判決。呢隻撞死人嘅公羊將會喺湖州阿杜爾縣嘅一個軍營度過三年徒刑。
大家點睇？湖州警方發言人馬博爾對於呢呢個咁荒謬嘅結果表示：「這個判決屬實，但我們無法多做解釋，警方的逮捕只是為了保護人民的安全，並無影響判決結果。」
馬博爾仲要加多句：「飼主是無辜的，該公羊才是犯人，所以只會逮捕牠，並將整起案件交由法庭處理。」
其實公羊嘅飼主都有法律責任，最後畀咗五隻牛受害者家屬作為罰款。咁三年之後點？就算未來公羊刑期滿，都可能冇得返去原本嘅飼主度。
大家仲投唔投胎做動物？
