電影《斷網》昨（10日）為「有波齊齊踢」計劃在圓方戲院舉行慈善場，導演黃慶勳、主演的黃德斌、黃耀煌、顧定軒（Zeno）、鄒文正等出席，並與小朋友互動。當Zeno與鄒文正聽到與小朋友落球場切磋，馬上同聲笑言：「叫佢哋（小朋友）教番我哋就差唔多！」
【新聞有價 記者有格 立即訂閱：https://bit.ly/3wGQh7c】
Zeno再談到在戲中飾演林家楝胞弟，患有腦癱，其中一場戲，他在床上昏迷，郭富城與林家楝在他的床下底對打，Zeno表示：「睇嚟好似瞓覺，好似好易，但要保持抽搐，同埋身體不正常扭曲好長時間，其實好攰，拍咗2、3日，每日拍20個鐘，拍完僵硬晒。」黃耀煌亦大讚Zeno演技。
同場的黃德斌被問到有冇與小朋友踢番場波？他亦耍手擰頭：「哈哈，我邊夠佢哋踢呀，佢哋充滿精力，踢波當放電。」
導演黃慶勳則表示，十分支持小朋友多運動，並謂他的外甥也是足球愛好者，每逢外甥落場比賽，全家人都會到場打氣，「我成日同外甥講，輸唔緊要，最緊要知輸喺邊度，一定要輸得起，輸咗唔好灰心，長大就會明白呢句說話。」而昨昨慈善電影專場最終籌得6位數字善款。
