本港歌手輪住於海外開騷，其中張敬軒將於本月16日在英國倫敦Royal Albert Hall舉行三場《The Prime Classics Hins Live in London 張敬軒倫敦演唱會》，他在周一（6日）晚上出發飛往倫敦「備戰」，有超過三百名歌迷到場送行，場面墟冚。
【新聞有價 記者有格 立即訂閱：https://bit.ly/3wGQh7c】
軒公是首位於Royal Albert Hall舉行三場演唱會的華人歌手，他和團隊特意提前十日前往英國準備，可見他十分重視這次演出，「主要係適應時差，等自己狀態好啲。同埋能夠喺一個咁殿堂級嘅場地開演唱會，真係好榮幸。加上係第一次喺呢個場地表演，好多嘢都唔熟悉，所以自己同團隊早啲過嚟，希望所有嘢都好好準備，可以帶俾觀眾一次好好嘅音樂旅程。」
主辦方亦特預訂了世界級殿堂錄音室「The Church Studios」為今次演唱會進行綵排，英國天后Adele過往亦曾於該處錄音，隆重程度可見一斑。其實軒仔赴英前行程已經十分緊密，除了閉關式準備演唱會，又連續拍攝兩個廣告，難怪他笑說：「陣間上到機真係可以有覺好瞓。」
周一晚上一眾軒公歌迷在機場等候為偶像送行，當軒仔現身時，歌迷更頓時歡呼尖叫。出名愛錫Fans的軒公，在得知歌迷已等候數小時，一下車便馬上跟他們簽名、合照，又多次感謝歌迷特意前來。有歌迷索性叫軒仔「帶埋我走」，軒公則笑應：「但我啲行李已經爆曬啦喎，咁我要買個大啲嘅喼。」隨後他又跟站在另一邊的歌迷說：「嗰邊冇行人路呀，我過唔到嚟呀，唔好意思，多謝大家。」歌迷則大唱：「來讓我跟你走，流浪天邊海角⋯⋯」歌詞回應，聽得軒仔十分冧豬。除了送機，軒仔的香港官方歌迷會內更有超過五百位歌迷，將由香港飛往倫敦支持軒仔，認真有心。
