兩大影帝梁朝偉、郭富城主演的電影《風再起時》昨晚（7日）舉行首映，導演翁子光及一眾演員包括何珮瑜、謝君豪、張可頤等出席。在片中飾演梁朝偉太太的何珮瑜（Jeana）直言，首次跟影帝兼男神梁朝偉合作十分緊張，2人有最多對手戲，甚至有激吻戲份，「其中有一場kiss戲，我真係好緊張，事前已經叫買定烏龍茶、買埋牙刷清潔口腔，我諗呢場係我咁耐以嚟最緊張嘅kiss戲，都NG咗3、4次。」
【新聞有價 記者有格 立即訂閱：https://bit.ly/3wGQh7c】
Jeana憶述最初稱呼梁朝偉做「梁生」，但梁朝偉即幽默表示：「你嗌我Tony都得㗎喇！」Jeana於是就稱梁朝偉做「Tony哥」，又指「第一次見面就俾佢對電眼電到，望住佢對眼我呆咗幾秒，實在係太有魅力啦！」
Jeana續說，拍電影時其智慧齒發炎，需在當地睇牙醫，最後更剝了兩隻智慧齒，「Tony哥知道，每一日開工佢都會問我：『點呀，你隻牙好番啲未呀？』我話：『好番啲啦。』好搞笑，佢好關心後輩啲牙㗎，哈哈。同埋因為佢知道我哋緊張，所以佢都成日都會講吓笑，好幽默咁講，可能節奏比較慢，你係feel到佢係想緩和個緊張氣氛。」
