改編日本暢銷人氣漫畫《男兒當入樽》的動畫電影《THE FIRST SLAM DUNK》即將於本週四（1月12日）在香港及澳門獻映，更久違地於全港戲院都有場次上映（M+戲院除外），而早前優先場後，不少媒體和觀眾都讚不絕口，為經典再創經典。
電影公司為答謝影迷，於影片上映的不同日子，購買戲票將獲贈不同電影禮品（包場除外），首周（1月12至18日）之場次送出日本原裝井上雄彥繪製紀念卡；第2及第3週 （1月19至2月1日）之場次送出A3 size電影主海報。
而包場觀眾則可獲贈限定湘北隊應援手幅（不包括每週贈送禮品），數量有限，送完即止！
【新聞有價 記者有格 立即訂閱：https://bit.ly/3wGQh7c】
早前不少圈中人看完《The First Slam Dunk》都大讚，ToNick的恆仔：「睇到不斷大嗌，好滿足的體驗，好啱一大班人去睇！而家我好想打籃球！」。
陳蕾亦指：「好好睇！好熱血！啲動作比起以前睇嘅動畫版進化咗太多！完全感受到個速度感！就算唔太熟悉之前嘅劇情都可以睇得好投入！果然我最愛都係熱血動漫！」per se：「冇睇過漫畫/ 動畫，唔玩籃球都好啱睇！」；SLAM DUNK - 4814 DAYS AFTER：「只有井上雄彥才可以超越井上雄彥。」
