來港兩個多月的美國駐港澳總領事梅儒瑞（Gregory May），繼早前同香港打工仔一齊排隊買兩餸飯做lunch，引來「this this rice」熱話之後，最近亦努力學廣東話。「U.S. Consulate General Hong Kong and Macau」facebook專頁就上載了梅儒瑞講廣東話片段，稱好開心來港擔任美國總領事，亦開心有機會學廣東話，了解香港文化，而片中正正見到他在食肆點了白粥、油炸鬼及炒麵，都是香港傳統食物。
【新聞有價 記者有格 立即訂閱：https://bit.ly/3wGQh7c】
梅儒瑞說：「對於我哋鬼佬嚟講，廣東話都真係幾難，不過我鍾意佢夠生鬼，希望學快啲，方便我四圍行同大家傾下偈。」他表示之後會再分享新片，讓大家聽聽其廣東話有否進步，又多謝大家支持。
雖然梅儒瑞在片中講廣東話不夠一分鐘，但已有不少網民留言大讚他講得好，甚至提議他可先學講粗口會較為容易，fb小編就引梅儒瑞回覆話會繼續努力。
