洪卓立（Ken）日前來到中山最後一站巡迴音樂會，不過開騷前Ken患上流感，而且禁食89小時後不單止沒有減磅，反而「報復式反彈」激增5公斤，認真慘情！
洪卓立（Ken）去年起於內地舉行《The Other Planet巡迴音樂會》，現場3000人的座位全場館爆滿。為了以最佳狀態見粉絲及演出，Ken開騷前進行地獄式禁食，不過89小時完結後隨即患上流感，食藥食到水腫之餘，原本減掉的4公斤不見影，更「賺」多了5公斤！Ken不禁苦笑道：「餓完又病，病完又脹，好彩開騷前調整得切。」
雖然Ken帶病上陣，但完全沒有影響表現。粉絲亦十分「貼心」，將現場短片標記為「重感冒版」，十分搞笑。音樂會期間，Ken跟歌迷互動傾偈時，歌迷問到這次巡迴後，甚麼時候再見面，Ken邊說邊突然「痰上頸」，最後忍不住自嘲：「好煩呀嗰篤嘢！」引來全場大笑。
除了跟「嗰篤嘢」搏鬥，開騷前又發生小意外，一條5厘米的頭髮插進Ken的眼內，搞到成場騷都眼紅紅，認真「禍不單行」。
完成巡迴後，Ken表示先醫好重感冒：「之後就準備錄新歌啦。」這次巡迴走勻東莞、江門、佛山及中山，雖然最後帶住遇上小插曲，但粉絲都表示睇得開心，又大讚偶像專業，為巡迴音樂會劃上完美句號。
