衛詩雅（Michelle）日前與醫美醫生周祉安舉行婚禮，曾與她3度合作電影的陳茂賢導演在台上大爆Michelle蝦碌的一面，指Michelle有次在他生病時給他藥物，但吃了兩星都亦未痊癒，問周醫生後才發覺沒有一隻藥對的。陳導更笑言：「所以周醫生係幾咁重要！」
衛詩雅周日（16日）與周祉安拉埋天窗，成為「周太」的Michelle當日除了公司眾多夥伴現身祝福外，一對新人更向Michelle的伯樂－英皇集團主席楊受成伉儷、行政總裁張雅麗及英皇娛樂集團營運總裁霍汶希逐一敬茶，場面感動。Michelle更於婚禮台上特別多謝楊生及Mani於10多年前讓她加入英皇，令她有第2個家的感覺。
跟Michelle連續合作3部電影的導演陳茂賢，婚宴當晚獲邀上台大爆Michelle不為人知的蝦碌一面，陳導演指跟Michelle第一次合作是《不日成婚》，為她寫的角色同現實生活中的衛詩雅有相同亦有不同。相同的是大家都好善良，心地好好，好識為身邊人去感受。不同的是戲中角色記性好好，不是「大頭蝦」，而現實中的Michelle則好「大頭蝦」，他續解釋：「記得有一次我病，『衛大夫』畀咗啲藥我食，食咗兩個禮拜都唔好返，終於有一日我忍唔住，『不如你試吓問下周醫生吖？』，然後周醫生就同我講話『錯㗎喎啲藥，仲要係冇一隻啱。』所以周醫生係幾咁重要！」導演的分享令在場賓客捧腹大笑。
陳導演亦帶來感性的贈言：「作為呢幾年嘅戰友，我好開心睇到佢由『曾可怡』到『郭文玥』，一步一步咁成長，成績越嚟越好，如今佢接到一個人生好重要嘅角色，就係周太，我對佢好有信心，即使我知道佢無論演戲定係對自己都係力求完美。但係我想講你識咗周醫生之後，思想成熟咗，記性好咗，皮膚靚咗，個人開心咗，其實好完美㗎喇！不過最緊要喺周醫生眼中，你永遠都係咁完美。我想送一句《不日成婚2》嘅對白，希望你記住，『做自己，做好自己，做好周太。』希望周生周太幸福美滿，白頭到老！」
除此之外，Michelle更相當感謝傳媒朋友多年來的照顧，一對新人悉心準備「嫁女餅」給當晚到場的傳媒友好，跟大家分享喜悅。
