男團MIRROR成員盧瀚霆（Anson Lo）與李駿傑（Jeremy）日前飛到韓國，與韓國天后為音樂會綵排。兩人昨晚回港，Jeremy表示今次有貼身舞，自己不夠膽接觸對方。
【新聞有價 記者有格 立即訂閱：https://bit.ly/3wGQh7c】
盧瀚霆及李駿傑昨晚近12時，步出香港國際機場，有數十名粉絲在場接機。兩人向在場粉絲打招呼，又非常精靈企定定影相。
兩人今次專程飛到韓國與韓國天后為即將舉行的音樂會綵排，雖然行程緊湊但Jeremy表示與韓國天后排舞感夢幻：「都有啲啲貼身舞嘅，我都唔係好夠膽去觸碰，要表現得好專業。呢次係好期待，我地有傾好多嘢，用咗韓文同佢介紹MIRROR。」
而Anson Lo指這次雖然短短兩日訓練，但感受到韓國對表演「認真」，他說：「要等佢嚟香港先可以再排，我都話不如食咗餐飯先排舞，呢次都有少少時間買嘢畀工作人員。今次韓國時間好忙，一起身就去排舞。」
