楊天宇於新片首度擔正男主角，更需要在一個月裏練所有門派的武術搞到成身傷，可說是「搵命搏」！連周家怡佩服他說：「仲生存到都算係咁喇！」
周家怡、楊天宇（Angus）及馬思惠（Macy）接受HOYTV訪問，宣傳主演的電影《裡應外合》，首次擔正男主角的Angus直言非常期和興奮。為了這部第一次做男主角的電影，楊天宇可以說是「搵命搏」，他透露開拍前那段操練時間一個月裏練所有門派的武術，感覺猶如地獄：「當時練到成身傷，依家都仲未好返！嗰種係形容唔到嘅辛苦！嗰陣時我一個禮拜練足6日，每日練4個鐘，教練唔當你係演員，直情當你係運動員，有好多時候練到暈，教練淨係話O唔OK？ OK再嚟啦！有一次晏晝練到爆咗手指，到夜晚黑去舉鐵嘅時候，教練就話其他手指冇事就練啦！幾hardcore（堅持）呀！」
而當中的對打場面，Angus坦然有不小心打中Macy的下巴 :「佢嘅左勾拳打到我下巴。不過唔緊要，我都有踢親佢！ 因為都係第一次接觸動作戲，而我嘅部分主要用腳，所以唔小心傷到對手在所難免。好彩大家無論樣貌同身材都係真材實料。」
周家怡亦表示非常佩服他們兩個：「嘩！你哋咁樣練法，仲生存到都算係咁喇！我見到Angus喺天台度練單槓，我幾驚佢飛咗出街呀！其實我都好明白拍動作片，傷咗都仲要練嗰種感受，心理壓力好大又怕自己做唔好，有好內疚嘅感覺，所以都唔係太想拍動作戲，除非沒有足夠嘅時間準備啦！」電影拍畢三年才上映，Angus直言對於房好有壓力，亦會好在意觀眾的反應，希望會有好成績。
