影后張艾嘉、馮允謙（Jay Fung）及導演劉偉恒為慈善跑擔任活動大使。張艾嘉透露是周潤發（發哥）鼓勵她跑步，至於Jay Fung和劉偉恒則希望可以同發哥一齊跑。
【新聞有價 記者有格 立即訂閱：https://bit.ly/3wGQh7c】
首屆香港「Global 6K for Water」將於12月8日舉行，這次活動旨在讓參與者感受缺水社區孩童，每日徒步約6公里取水的體驗。3人日前為活動拍攝宣傳片及海報，張艾嘉（張姐）大讚非常有意義：「我曾經探訪過盧旺達陪過一個小朋友去打水，要上山落山，拎住一個破爛嘅水桶放喺頭頂度，行好遠路打水畀屋企人飲，我覺得用跑步去支持佢哋，係好有同理心。」
首次以跑者身份為活動籌款的張姐提到她與跑步的淵源，原來與好友周潤發有關：「自從COVID之後，周潤發就約我去跑步，開頭我真係跑唔郁，3分鐘我已經就嚟死，不過佢話我知跑步就係需要一種毅力，就係要慢慢練，唔可以停，要繼續跑。喺跑步中間，我得到好多樂趣同埋搵返啲健康。」
問到他們最想邀請誰人參與這次活動？Jay Fung表示最想邀請好友釗峰齊齊跑：「我哋有經常打波，跑步都幾啱我哋，同埋希望跑嗰陣可以撞到啲朋友、Fans，撞到會好開心，可以一齊影幾張selfie。」劉偉恒指已「下令」太太及兩個女兒齊齊落場跑：「到時會參加3公里親子組，而家已經開始練跑啦。」
劉偉恒笑指自己跑步，亦間接與發哥有關，好友周家怡同樣在疫情期間邀請他加入跑隊：「其實嗰隊人就係由發哥跑步團嗰度衍生出嚟，發哥嘅教練蘇凱男同我哋一齊跑。嗰陣日日喺城門水塘跑，見親都係影視圈嘅人，米雪姐、黃日華、發哥個表妹。最有趣嘅地方，我同過咁多同佢咁（接）近嘅人跑，唯獨我冇同過發哥跑，連野生捕獲都未試過。」Jay Fung雖然同樣未曾與發哥跑步，但他直言：「如果佢叫我跑，我一定去啦，可以一路跑一路selfie，正！」
