麥浚龍（Juno）將於12月舉行演唱會，他表示受家中的愛貓啟發，新歌描寫一段父女的關係。但講到生兒育女，他斷然拒絕，坦言不想做自私父親。
【新聞有價 記者有格 立即訂閱：https://bit.ly/3wGQh7c】
麥浚龍曾預告下年將會再踏紅館開騷，誰料今年年尾，Juno已經會在灣仔會展先舉辦《The Album》新章節番外篇所延伸的演唱會。他接受HOYTV主持俞詠文（Angela）時坦然沒有預計開這個演唱會：「因為之前都試過將專輯或者電影上嘅角色放上舞台，咁我就諗返《The Album》呢個企劃，而視點唔再喺董折（企劃角色）同埋蒲銘心（企劃角色），反而係講佢個囡囡董蒲，再去了解返佢嘅爸爸，而邊個藝人飾演呢個囡囡，我已經有人選㗎喇！但係要保持神秘感，到開騷你咪知囉！」
講到新歌《天與地的距離》，Juno就表示這首歌是一個實驗品，希望勾起聽眾這四年來的印象：「點解用父女呢個關係去開騷呢？我相信係因為我同我啲貓嘅關係，佢哋咪係我啲小朋友囉！新冠疫情期間，我其中一隻貓走咗，可能呢個係一個啟發令我去寫一段父女嘅關係。」
問到Juno會唔會想生兒育女，他就斷言拒絕：「如果我係一個爸爸，我相信我係一個好開明嘅爸爸，但係都可以係一個好自私嘅父親，所以其實我唔想做！因為我有太多嘢想做，而做爸爸唔係我嘅to do list囉！」
