古天樂昨日（3日）到訪九龍真光中學，笑言自己首次踏足女校，想藉此見識女校情況：「之前諗究竟呢度有冇男廁？」席間，他又大爆岑珈其、游學修到訪女校感怕醜。
【新聞有價 記者有格 立即訂閱：https://bit.ly/3wGQh7c】
由古天樂（古仔）領軍的《PAG巡校遊：放飛EMO的拼勁》，昨日來到第二站九龍真光中學，同行表演嘉賓之一的林千渟及活動司儀黃芳雯更是該校舊生。提到今次在女校舉行活動，古天樂即笑言：「好想藉此見識女校係咩情況，嚟之前我諗究竟呢度有冇男廁？有男教師，係有男廁。」
活動上岑珈其與游學修主持的「口試王」環節最為惹笑，今次議題是「單性別學校是否比男女校更好」，二人更落場跟老師及同學們辯論，引爆連場笑話，期間張繼聰笑指對議題感質疑，他說：「雖然我讀男女校，但我覺得自己似讀女校，因為我從來冇望過男仔，我同我老婆都係喺中學認識，如果我哋讀單性別學校，我啲仔女冇機會出世。」而古天樂被問到支持男女校定單性別學校？他謂：「嗰時放學成日都走去女校𥄫女，女校嗰度有個明星，所以好好奇，自己比較鍾意男女校。」古仔又續說岑珈其及游學修對於到訪女訪感怕醜，逗得全場學生鼓掌哄笑。
舊生林千渟表示：「都有3、4年冇返過嚟母校，今次返嚟勾起好多回憶；其實每個人對處理壓力都不同，最重要係嘗試踏出第一步，做乜都可以，以前我鍾意喺廁所沖涼時唱歌，亦會搵身邊信任朋友去傾。」
