MIRROR成員王智德（Alton）於處男舞台劇飾演嫖客，他稱因想挑戰現實不會發生的事，所以不會有偶包。而潘紹聰笑言因為Alton 有種毒男感覺，完全適合角色。
【新聞有價 記者有格 立即訂閱：https://bit.ly/3wGQh7c】
舞台劇《一樓一會》主角Alton、麥沛東及主理人「鬼王」潘紹聰，日前接受HOYTV主持俞詠文（Angela）訪問。Alton首次演舞台劇便是飾演一位嫖客，他指坦言接受這個角色時，不會有偶包：「初時公司都有拍我膊頭，問我介唔介意，會唔會驚？但係我覺得舞台劇就可以做下現實生活唔會發生嘅事，所以就決定挑戰一下！」
反而麥沛東笑言自己有偶包：「之前拍《正義迴廊》，有一幕就要去一樓一，雖然嗰幕好短，但我都有去做資料搜集，雖然今次都係飾演嫖客，但我會形容為一個幾淒美嘅愛情故事，感覺好《那些年》，去搵返初戀嘅感覺！」
潘紹聰表示托賴上年的舞台劇有好好口碑及票房，希望每年香港都會有一個以鬼故事為題材的舞台劇出現。提到拿了Alton的第一次（做舞台劇及飾演嫖客），他解釋說：「因為要在市面上搵一個未做過舞台劇，個樣又唔太似嫖客，外表上又乖巧，又有毒男嘅感覺，Alton就完全適合喇！因為講真，嫖客冇樣睇㗎嘛 ! 而麥東就飾演入曬骨嘅一種喇！」
#MIRROR #王智德 #嫖客 #一樓一會 #麥沛東 #潘紹聰 #HOYTV #俞詠文 #正義迴廊
