人氣YouTuber麗英日前推出新歌，她透露拍拖及失戀都會和母親分享，而與另一半分手後，母親亦會幫她的「斷捨離」，將舊愛有關的物品全棄掉。
【新聞有價 記者有格 立即訂閱：https://bit.ly/3wGQh7c】
麗英最近推出新歌《解咒說明書》，她接受HOYTV主播Angela俞詠文專訪，分享親身感情經歷。麗英坦言新歌是講述自己的失戀傷心事：「曾經喺一段感情關係上，被另一半嫌棄，佢同我分手嘅理由，係因為我成日著T恤牛仔褲，其實原來對方唔再愛自己時，乜嘢都係理由! 」她亦都很感謝粉絲們期待她的失戀歌，可以表現她搞笑以外的另一面。
講到很多人分手之後，還會保留對方的物件，麗英就說要多謝媽咪的幫助：「其實我都會keep一排嘅，但係因為我無論拍拖同埋失戀，我都會同媽咪分享，所以當我分手嘅時候，我阿媽過一陣會無端端入嚟我房，攞咗一袋有舊愛物品嘅嘢，問我係咪唔要㗎喇！咁我就會決心掉咗佢！好多謝媽咪幫我斷捨離！ 」
今次麗英的「愛情三部曲」是講述自身愛情的三個階段，對愛情嘅憧憬，之後情傷，最後一首她表示要賣關子：「內容唔可以講住，但係係一種全新嘅曲風，而幕後班底都係好驚喜，希望大家會繼續關注! 」
