雲浩影（Cloud）於新劇《同居少女諸事卜》中，周旋在「初戀情人」郭嘉駿（193）及「穩交男友」何啟華（阿Dee）之間，她坦言拍喊戲是很大挑戰，拍攝前要培養好情緒，埋位話喊就喊。
【新聞有價 記者有格 立即訂閱：https://bit.ly/3wGQh7c】
雲浩影在 Viu 原創劇《同居少女諸事卜》可算「艷遇擔當」，但亦有不少爆喊場面，大考演技。工作人員為了令Cloud好好蘊釀情緒，開拍前均保持安靜，氣氛一遍靜寂，拍劇初哥Cloud亦十分專業，培養好情緒，埋位話喊就喊，令拍攝十分順利。
事後Cloud受訪時表示：「其實挑戰都好大，今日拍攝呢場戲，唔係第一場喊戲，之前同阿Dee分手都喊咗一次，拍喊嘅MV就拍得多，但劇就係第一次，目前最大挑戰就係喊完之後點樣收拾心情，而家我嘅感受仍然好想喊，因為為咗喊戲，我回想一啲往事，而家我嘅情緒仲喺呢啲傷心往事入面。」Cloud又表示跟阿Dee拍攝分手戲非常難忘，大讚對方演戲很有感染，：「嗰場戲係喺戶外拍攝，第一次喺戶外轉妝轉頭，感覺好新鮮，同阿Dee合作，佢好有感染力，好犀利，所以非常深刻。」
相對Cloud拍爆喊戲，同劇另外兩位女主角Kayan9896與Chloe表現較為輕鬆。兩人雖首次合作，就已經非常熟落，不時有講有笑，Kayan9896表示：「其實我哋之前係網友嚟，IG互相Follow，今次拍劇終於深度認識，大家圍讀時都有啲緊張，傾傾吓發現原來呢個女仔好nice。」問到她們傾談話題圍繞甚麼？Chloe指：「我哋有好多題外話，始終呢套劇講談戀愛、𥄫仔，所以我哋都有傾呢類話題，講吓自己鍾意嘅類型、以前啲對象點樣對待自己、以後應該點樣部署。」
講到難忘場口，Kayan9896直言難忘Cloud的喊戲，感覺揪心，而Chloe則表示難忘跟陸駿光演對手，她說：「陸駿光飾演一個非常油膩大叔，佢時時刻刻都會對住我單眼、講肉麻說話，搞到我不斷要忍笑。」
