鍾嘉欣今日(22日)出席保險品牌活動,她透露早前老爺大壽,請全家坐郵輪到歐洲多個城市遊玩,更抽空與老公共度二人世界。下月將在廣州開個唱的她,表示有計劃再於香港開騷。
【新聞有價 記者有格 立即訂閱:https://bit.ly/3wGQh7c】
鍾嘉欣早前與家人到歐洲多國旅行,她今日出席保險新產品發布會時,透露此行與家人坐郵輪遊歐很開心:「上郵輪之前先住喺羅馬,最後一站去咗巴塞隆拿,去咗好多歐洲唔同地方。(老公請?)係老爺,因為老爺80歲大壽,佢生日願望帶我哋全家一齊去見識吓佢鍾意嘅地方。」她指此旅趟旅程以家庭樂為主,但在希臘的米科諾斯島(Mykonos)有約兩小時與老公度過二人世界。
![](https://channelchk.com/_next/image?url=https%3A%2F%2Fchannelchk-dev.s3.ap-east-1.amazonaws.com%2Fec1104ed_dd19_4b84_a2e9_77f6706fec83_d5277c3607.jpg&w=1920&q=75)
至於子女今次可有跟她回港,嘉欣說:「今次佢哋冇返香港,因為今次去歐洲啱啱適應咗時差,又再有時差好似唔係太好。」嘉欣指今次回港除出席活動外,亦要閉關為下月10日於廣州舉行個唱作準備,此段時間會十分掛念子女。提到今次個唱門票火速售罄,問到會在個唱上有什麼驚喜帶給觀眾,她先賣關子謂留待到時揭撓。至於會想在香港再開個唱,嘉欣說:「都好希望,係我計劃內,但都可能要出年。」