盧瀚霆昨天 7 月 7 日正日，一眾「神徒」為他慶祝，連續 3 年提供全日往來尖沙咀與灣仔免費乘搭天星小輪，另外亦在尖沙咀天星碼頭提供多個大型廣告供神徒打卡。中午時份盧瀚霆亦出席位於麗晶酒店的歌迷會生日派對，兩場有逾 2000 歌迷出席，期間談及姐姐的家書時一度感觸落淚。
【新聞有價 記者有格 立即訂閱：https://bit.ly/3wGQh7c】
Anson Lo 在生日派對中先後與神徒大合唱《不可愛教主》，其後又切一個有「My Life」造型翅膀的生日蛋糕。。到生日會尾聲時，Anson Lo 又向神徒派「手幅」，歌迷亦有機會近距離向偶像送上生日祝福。他向粉絲分享時一度落淚，解釋因為姐姐內斂，很少談及兒時往事。自己早前和家人食飯亦談及自己健康，姐姐哭了一晚但又愛莫能助，十分疼惜他。
他在活動後受訪時表示，覺得家人寫這封家書非常大勇氣：「知道佢地每日都好擔心我、Care我，所以好感動。今年生日願望係想神徒同家人都身體健康，因為大個咗知道健康嘅重要。今晚會同家人過一齊砌蛋糕。即將由2字轉3字，覺得唔會太大分別，隨時間過去會成熟啲，神徒都話冇咗以前嘅嘻嘻哈哈，可能係人大咗會沉穩咗、成熟咗。」Anson Lo 在活動中亦再次感謝歌迷支持：「因為我全靠你地嘅支持，先捱到今日！即使出面好多人誤解我，你地嘅留言成為我嘅鼓勵。」
另外歌迷會等組織亦在晚上舉行無人機表演，活動在西九龍文化區海傍舉行，警方指最佳觀賞區域約有 2500 人出席。表演在晚上約 8:30 開始，在場神徒表現非常興奮，不時「嘩嘩聲」之餘又唱生日歌助慶。無人機先後砌出Anson Lo 剪映、盧瀚霆字樣、蛋糕及Anson Lo寫的神徒公仔等等。
