古天樂（古仔）今年再度為皇玥擔任擔任代言人，他指有意開拍中秋題材的電影，希望將香港名物融入港產片，推介給觀眾及遊客，希望藉電影吸引更多遊客訪港，兼搜購特色手信。
【新聞有價 記者有格 立即訂閱：https://bit.ly/3wGQh7c】
古天樂指意念來自一套講述拉麪的影片：「我前幾日睇咗一條片，就係講一個拉麵店，靠當地嘅一啲電視劇炒高人氣，每一集裏邊都有對白講『不如食埋個拉麵先走啦﹗』而演員真係有食，自此之後呢個拉麵就成功咗，變得好出名。我覺得如果將一啲產品擺入一部電影入邊，唔係刻意嘅，劇情安排演員去食吓，其實係一個可以好好幫到產品嘅宣傳方法。」他指如果是中秋節拍攝的電影，應是愛情片：「可能嘅話放一啲中國傳統元素裏面，譬如嫦娥，我覺得可以諗下嘅，不過香港拍愛情片，就唔知點解比較少啲，但呢個都係一個好好嘅諗法嚟。」
他在拍攝代言人廣告時，亦有吃蛋卷、 禮餅等，並即場向餅藝師傅偷師，期間又自揭曾整餅，不過結果就非如人意：「月餅對我嚟講係一件好難做嘅事，基本上冇咩可能完成，師傅話做月餅最緊要就係要專心同專注去做好個餅，以前我都有試過做曲奇餅，派畀啲老人家食啊，但畀啲朋友食完之後，個個都叫我以後唔好再整喇，因為我真係唔識整嘢食。」
至於自己又如何過中秋？古天樂就指每年中秋幾忙都要回家跟父母食飯：「其實我哋呢行做冬同埋中秋節都係唔駛開工，但係記得有一年，就係因為宣傳《明日戰記》。嗰一年都要去謝票宣傳，但都有趕返去屋企食飯，食完飯再出門繼續謝票宣傳，呢一年比較難忘。」
