電台DJ黃正宜（阿正）以代言人身份出席品牌活動，笑言最想接拍內衣廣告，但底線是三點不露。
【新聞有價 記者有格 立即訂閱：https://bit.ly/3wGQh7c】
阿正最近為無糖香口珠拍攝新廣告，她笑言在廣告好大膽叫她扮女神。阿正打趣謂：「其實我可以再做多啲，好鍾意忙㗎！我冇工作會身痕，研究過我唔搵錢時就會病。（呢期好健康啦？）咁又未至於好健康，如果大家想我好健康長命百歲，就要再俾多啲廣告我啦，可以再健康啲。」她並謂早前去荷蘭及德國時一直Keep住病又水土不服，返到香港又大感冒，一開工即刻好番曬，笑言：「大家對我太大誤會啦，其實我係為咗健康而工作！」
問阿正還有甚麼廣告想拍？她即說：「如果我減到肥，梗係想接內衣代言啦！（底線？）三點不露！仲有樓花廣告都好想拍，送層樓俾我，趁樓市跌更加需要代言人。仲有私家車廣告，雖然沒有車牌，可以擺住先，或俾朋友開車，載我出去玩都好（俾男朋友？）我都想，咁就先希望先搵到男朋友代言，哈哈！安排一個俾我試用，哈哈！」
