由蔡卓妍（阿Sa）及鍾欣潼（阿嬌）二人組成的本地歌唱組合Twins，原來成軍22年，更會在明年一月舉行演唱會《TWINS SPIRIT演唱會》，由原本6場加至12場，打破出道紀錄。
而Twins 22周年主題曲《雙喜樓》周四（21日）亦已正式上架，阿Sa及阿嬌更專程飛到台灣拍攝MV，拍攝過程當然不乏難忘及蝦碌事，阿Sa就笑指MV拍了21個鐘，「拍到人都癲」；阿嬌就不慎被香檳噴到「一臉都係」，眼都張不開。
【新聞有價 記者有格 立即訂閱：https://bit.ly/3wGQh7c】
《雙喜樓》MV由曾為周杰倫、張惠妺、田馥甄拍MV的導演比爾賈操刀。對於拍MV，阿Sa表現很久沒有拍自己歌的舞的MV，「一聽呢首歌個demo，已經覺得好正、好係演唱會嗰種氣氛，同埋係好『Twins』。再夾埋呢份詞都好鍾意，因為聽填詞人先生講《雙喜樓〕呢個名，話佢十幾年前已經好想寫俾我哋。《雙喜樓》顧名思義就梗係講我哋兩個啦，成雙成對，同埋我哋22周年呢個日子，Twins Spirit嘛，yeah！」
她又說MV講述她們想準備一份禮物送給大家，而她最喜歡是MV導演設計的巨形「囍」字隧道。
至於阿嬌就稱「好耐都冇去過台灣啦，所以有啲興奮，因為好掛住台灣嘅小食，不過時間有啲短，哈哈。」她又指很久沒試過跳住舞拍MV，「今次特別請咗之前為綜藝節目《乘風破浪的姐姐》嘅舞台總監為我哋排舞，『姐姐』嘅感覺即刻返晒嚟。」
