演員金燕玲接受衛詩雅（Michelle）《衛食攻略》訪問，兩人於電影《不日成婚2》中飾演兩婆媳，金燕玲在接受訪問時，一邊享受美食一邊大方分享感情生活，講述她從離婚直至遇到真愛經歷，又指用了6年時間，才與蘇施黃磨合感情，最終更明白「人對人之間嘅真愛係奉獻。」
【新聞有價 記者有格 立即訂閱：https://bit.ly/3wGQh7c】
被問及如何認識蘇施黃，金燕玲表示二人一開始只是雀友關係，跟對方完全不熟，「佢知道我當時嘅處境，可能佢鍾意我啦，又覺得我好慘，佢話：『人哋撈呢行你又撈呢行，你撈得咁淒涼？』嗰陣時我都五十歲，其實我係想講，『我係貪圖你照顧我。』但你係我嘅partner，我哋係一齊住，你出去你都係我嘅the other half！」
金燕玲提及過去兩段婚姻，不免感慨，但她認為，不是因為離婚受刺激而轉性取向，而是因為蘇施黃提供一個照顧她的方案，更直言阿蘇的追求十分浪漫，曾經有次情人節，阿蘇聲稱有香港朋友去英國，問在英國的金燕玲有沒什麼要買，金燕玲表示想要兩隻鑊，但最後發現在倫敦出現的是阿蘇本人，之後兩人一起食午飯，阿蘇其後更請她上酒店房，金燕玲指自己好夠膽上去，「上到房係完全冇嘢做，只係傾偈。」
二人一起後，金燕玲指兩人有摩擦不可避免，但她個人不喜歡把矛盾留至翌日，「尤其我做錯咗，我會即晚主動去佢房講Sorry，唔好將負面嘅事留過夜，我會瞓唔著覺。」她又坦言，二人在一起，相處了差不多五、六年時間才覺得舒適，認為蘇施黃改變了她的想法，「從一個唔知可以捱到幾耐的心態跟她開始，結果我同呢個人嘅時間係長過我兩段婚姻加埋！佢從來冇逼我做任何事。我哋一人一間房，生活獨立、經濟獨立，但係屋企照顧佢做到嘅佢盡量照顧晒」，直言這段關係令她覺得對人之間嘅真愛係奉獻。
因為蘇施黃，金燕玲直言對愛有新的體會，她認為前兩段婚姻是奉獻，覺得對方喜歡一樣東西，就去做，想辦法哄對方開心，但她認為，「付出係冇問題，但付出到冇自己就係一個問題。」她又警醒女性們，「為屋企為老公為仔女付出係應該，但你唔可以冇咗自己，你應該要保持自己嘅興趣，同埋工作。」
