城中富商劉鑾雄（大劉）本周五(10日)突然宣佈於下午3時30分舉行記者會，回應5宗傳聞，包括關投資恒大虧損、甘比投資失利、遺囑及財產分配等。
對於今時今日香港經濟，他直言：「個個都係求 make sure自保，能夠安然渡過而家困難的時間，希望快就一年慢就年半，希望最好唔好長過兩年。如果咁高息長多兩三年，好多好大好大嘅公司都唔易捱架！」至於有沒有新投資機會，他坦言，現時經濟環境惡劣，「東涌塊地一張標都買唔落，是十年來第一次！」
被問到對政府「夜繽紛」等谷經濟措施有何看法，大劉就指「唔敢答唔識答」，稱「做官肯定叻過我哋，你睇官字有幾把口？」，又指如果政府「唔再開始積極做啲政策」，樓市定會繼續跌，而且「冧咗都唔易救得起」，而股市亦然「沉咗好難扯返上嚟」。
（由於大劉記招不准攝錄，我們只能精選錄音，並通宵配上字幕，以Podcast形式報道🙏）
