杭州亞運︱港足門將謝家榮賽後：唔想講雖敗猶榮　哽咽指「好想攞個銅牌返香港」

杭州亞運男子足球銅牌戰今日（7日）下午結束，港隊最終以0：4敗給烏茲別克隊。港隊門將謝家榮賽後受訪時，數次道歉，流淚哽咽指「我唔想講雖敗猶榮，因為我覺得好唔啱聽，我自己好唔鍾意雖敗猶榮。對唔住，差一步就攞到個牌返嚟，但最後都攞唔到，想講聲唔好意思，但我哋真係盡咗力。我真係好在意呢場比賽，我真係好想攞個銅牌返香港，我真係好想攞個銅牌返香港，對唔住，我哋只係差一步。」

【新聞有價 記者有格 立即訂閱：https://bit.ly/3wGQh7c】

港隊總教練安達臣賽後為港隊4強賽事作總結，指兩場比賽可以看到港隊與對手的差距，而他們整場比賽都已盡了全力，惟以現時的能力及狀態，要跟傳統強隊「以高水平的攻防打滿全場」的確有困難。

港隊在銅牌戰中，上半場尾段先落後一球，下半場則被連入3球，終以0：4結束今屆亞運之旅，大軍明日返港。