因演出《那年盛夏我們綻放如花》，演技大受好評的P1X3L成員Marco（葉振弘），早前踏入23歲，並與歌迷舉行見面生日會，一班「馬卡龍」（Fans專稱）專程為偶像慶祝生日，弟弟Manson更到場支持，令他開心又感動。
【新聞有價 記者有格 立即訂閱：https://bit.ly/3wGQh7c】
生日會上，Marco唱了自己的solo歌曲《海島與少年》，又與Fans大玩遊戲，包括以訛傳我、Bingo和大抽獎。Marco亦親身教Fans大跳P1X3L新歌《BOMB》，看到Marco露出手臂「老鼠仔」肌肉跳舞，台下熱情地尖叫，爭相與偶像拍照留念！
被問到今年的生日願望，Marco表示：「希望P1X3L繼續進化，越嚟越強大，越嚟越多好作品！仲有，一切順其自然，希望所有人都有更多正能量，一齊過得更快樂！」成長一年，對於自己的目標也有新的看法，Marco想做更多不同類型的音樂，擴闊自己的視野和眼界，多些感受和學習身邊的事物。
除了Fans跟慶祝生日，Marco在生日正日選擇了靜一靜、讓自己休息Hea下，睇電影、睇片及打機，就是生日的最佳娛樂。而在Marco成長的路途上，P1X3L另外兩位隊員Phoebus和George對他而言佔了最重要的位置。除此之外，Marco亦感激「馬卡龍」一直以來的支持：「我想繼續唱歌俾你哋聽!請你哋要繼續支持我，等我嘅作品，仲有等我哋嘅演唱會!就算有幾多打擊，P1X3L都唔會跌低，越變越強先對得住大家嘅支持。」
