Anson Lo（盧瀚霆）昨晚（23日）一連4日於亞博舉行個人演唱會，由於開場前傳出「炒燶」門票傳聞，顯示黃牛活動猖狂，Anson Lo於演唱會中途亦為此向「神徒」表示關心，並忍不住落淚：「好想好坦白同你哋傾下，我知道大家為咗入場係好辛苦，用咗好多方法去買飛。呢一兩個星期排隊，食啲唔應該食嘅黃牛，甚至被啲唔好嘅人hold咗啲飛。想講我呢半年喊得最多嘅原因係因為你哋，每次見到你哋俾人蝦我都會好嬲，我都唔知可以做啲咩去保護你哋，我又唔可以每一次喺story公開為你哋反擊，咁會引嚟罵戰，所以我只可以做到，就係準備好自己，就算幾攰都會睇留言，呢啲係因為你哋全部嘅愛，多謝你哋！」
【新聞有價 記者有格 立即訂閱：https://bit.ly/3wGQh7c】
Anson Lo演唱會於開騷前，曾傳出「放飛潮」，大量黃牛飛劈價，更有指首場的入場人數僅得7成，不過從神徒於社交平台上載的照片顯示，入座率應達9成。
演唱會開騷前，逾2,000名神徒齊集於應援區影大合照，統一穿上粉紅色會服，場面墟冚。
