由林日曦、田蕊妮分開主演的舞台劇《大離婚日》，好評如潮，連日來不斷宣布重演。自公演以來，不斷有移民離港的粉絲，於社交平台問林日曦會否到外地公演。加上日前杜汶澤獲「特別優待」，被安排在台灣睇直播，大批海外網友即議論紛紛，要求林日曦開放網上直播給海外觀眾欣賞《夫》和《妻》。
【新聞有價 記者有格 立即訂閱：https://bit.ly/3wGQh7c】
林日曦昨日於Facebook專頁回應網民：「知道有海外朋友好想睇《夫》和《妻》，過往其實我已經講過無數次，我始終認為我嘅舞台創作只適合喺現場睇，唔係話懶巴閉有錢唔賺，而係我性格唔適合，希望你哋可以諒解我嘅老土。」
至於杜汶澤獲得厚待，林日曦解釋：「好簡單因為佢個老婆係田蕊妮，而田蕊妮……係同我一齊做緊《大離婚日》嘅嗰個女主角，所以…除非你個老婆咁啱又係田蕊妮…」田蕊妮連隨在自己專頁轉載及反問：「有邊個想娶我？」
咁究竟海外粉絲有冇得睇？林日曦說：「與其擺我嘅舞台創作上網俾你哋睇，我寧願我遲下屎忽痕寫過一個全新嘅，直接飛去做俾你哋睇，但真係要等我個屎忽真係好痕先…」
網友即時留言要求林日曦到他們身處的地方，包括英國、澳洲、加拿大、台灣、日本、馬來西亞都有。
獲得特權的杜汶澤亦搞笑留言話，本來想請一隊攝製隊，去現場偷拍，然後直播到他家中，可惜被老婆田蕊妮禁止：「咁樣會俾同學仔歧視」。杜汶澤又對林日曦說：「用85吋電視機睇你，好似睇緊Ant Man」。
